Soltústik Kıprdegi sýpermarketterdiń birinde Qazaqstan azamatshasyna pyshaq jaraqaty keltirilgeni týraly aqparat jelide tarady. Bul jaǵdaıǵa qatysty respýblıka Syrtqy ister mınıstrligi túsinikteme berdi, dep habarlaıdy infohub.kz.
«Krımınalnyı Kazahstan» Telegram-arnasynyń málimetinshe, 22 jastaǵy qazaqstandyq áıel Nıkosıa qalasyndaǵy Metropol Market sýpermarketinde pyshaq jaraqatyn alǵan. Qyzdyń jaǵdaıy óte aýyr ekeni aıtylady.
Jarıalanymda kıpr-túrik BAQ-tary taratqan jergilikti polısıa aqparaty da keltirilgen. 3 tamyzda jergilikti ýaqyt boıynsha saǵat 11:45 shamasynda belgisiz bireý qyzǵa belgisiz sebeppen pyshaqpen shabýyl jasaǵan. Oqıǵa saldarynan ekeýi de aýrýhanaǵa jetkizilip, dárigerlerdiń baqylaýynda jatyr.
NUR.KZ tilshisi Qazaqstan Syrtqy ister mınıstrligine saýal joldady. Vedomstvonyń baspasóz qyzmetinde: «Mınıstrlik Soltústik Kıprde azamatshamyzǵa qatysty bolǵan oqıǵa týraly habardar. Qazirgi ýaqytta qazaqstandyq dıplomattar bolǵan oqıǵanyń mán-jaıyn anyqtap, jergilikti quzyrly organdarmen baılanysta. Resmı aqparat túskennen keıin qosymsha málimet beriletin bolady», — dep málimdedi.
Bul másele QR SİM baqylaýynda.