Soltústik Qazaqstan oblysynyń Maǵjan Jumabaev aýdanynda qytaılyq ınvestorlar jańa kásiporyn ashýdy josparlap otyr. Bul týraly Ulysmedia.kz habarlady.
Bul týraly Infohub.kz aqparat agenttigi habarlaıdy.
Jobanyń maqsaty
«Silk way link» JSHS-men jasalǵan memorandým aıasynda astyq ónimderin qaıta óńdep, jemdik un óndiretin zaýyt iske qosylady. Jergilikti ákimdiktiń málimetinshe, bul joba aýyl sharýashylyǵy taýar óndirýshileriniń shyǵyndaryn azaıtyp, jańa jumys oryndaryn ashady. Sondaı-aq, óńirdiń eksporttyq áleýetin arttyrýǵa yqpal etedi.
«Buǵan qosa, qol jetkizilgen kelisimder bolashaqtaǵy yntymaqtastyqqa jol ashady. Aldaǵy ýaqytta ekonomıkanyń ártúrli salalarynda birqatar jańa birlesken jobalardy júzege asyrý josparlanýda», - dep habarlady aýdan ákimdigi.
Investısıa kólemi men qurylys merzimi ázirge naqtylanbaǵan.
Burynǵy jobalar
Buǵan deıin qytaılyq ınvestor Qazaqstanda 1,2 mıllıard dollarǵa metalýrgıalyq kombınat salýdy josparlaǵany habarlanǵan bolatyn.