Fınteh-toby Solva strategıasyn ózgertýde: dástúrli nesıeleýdiń ornyna kompanıa jasandy ıntellektke negizdelgen shaǵyn jáne orta bızneske arnalǵan IT-platforma qurýǵa nazar aýdarady. Osyǵan baılanysty aksıonerler aýysyp, jańa basqarý komandasy qurylýda, dep habarlaıdy infohub.kz saıty.
Kompanıa negizin qalaýshylar Aleksandr Dýnaev pen Borıs Batın ózderiniń 49% úlesin satyp, halyqaralyq jobalarmen aınalysý úshin Solva kapıtalynan shyǵady. Satyp alýshy — «Astana» halyqaralyq qarjy ortalyǵynda (MQOA) tirkelgen AG Holding Ltd. Qarjy ortalyǵynyń qurylymy arqyly úlesti shoǵyrlandyrý bıznesti lokalızasıalaýdy aıaqtaýǵa múmkindik beredi. Mámileni barlyq qajetti ruqsattar alynǵannan keıin jyl sońyna deıin jabý josparlanýda.
Solva-nyń 40% úlesimen eń iri strategıalyq ınvestory Neo Crystal Holdings Ltd bolyp qalady, onyń artynda Sawiris otbasy tur — bul álem boıynsha asyl metaldar óndirý, telekomýnıkasıa, jyljymaıtyn múlik jáne ınvestısıa salalarynda aktıvteri bar halyqaralyq konglomerat ıeleri.
Jańa strategıany júzege asyrý úshin jańartylǵan komanda quryldy. Solva Group Ltd dırektorlar keńesiniń tóraǵasy bolyp Galım Hýsaınov, bas dırektory bolyp Tımýr Ishmuratov taǵaıyndaldy, al «OnlaınKazFınans» MQU AQ basqarmasyn Pavel Kravchenko basqardy.
Jańa basshylyqtyń aldynda sıfrlyq B2B-servısterdi tezirek iske qosý úshin bıznesti tehnologıalyq qaıta qurý mindeti tur. Kompanıaǵa klasıkalyq qarjy modelinen ónimdik IT-sheshimderge kóshý úshin ishki prosesterdi transformasıalaý qajet.