Sorly qazaq jany alqymǵa tyǵylyp,
Qara kún kep, tikken týy jyǵylyp,
Alǵa baspaı, barlyq isi ker ketip,
Nár tata almaı, kúshsiz, álsiz búgilip,
Oqý-bilim jaqyndatpaı, jolatpaı,
Qyryn qarap, qazaq isin unatpaı,
Pyr-pyr uıyqtap sorly qazaq tek jatyr,
Qandy jaspen eki kózin shylatpaı.
Qozǵal, qazaq, bilim izder kez keldi,
Qylysh alyp “nadandyq” saǵan kezendi.
Shetke laqtyr, tymaqtaı alyp, elden qý
Erteli-kesh basyńa minip ezgendi!
Kitap áper, oqysyn, balań qolyna,
Maldy aıama oqý – bilim jolyna.
Óner alyp basqalarmen qatar bol,
Qosyl birdeı adamzattyń tobyna!
Baıǵus qazaq bas kóterip turar ma?
Kóńili túsip, bilimge moıyn burar ma?
Kúni týyp, ońynan – Kún, soldan – Aı,
Oqýmenen jaınatyp dúken qurar ma?

---