«Atamarı» turǵyn úı kesheniniń 350 úleskeri bes jyldan astam ýaqyt boıy páter kiltin ala almaı keldi. Olar aqshasyn 2020 jyly salǵan edi, alaıda qurylys salýshy óz mindettemelerin oryndamady. Nátıjesinde nysan uzaqqa sozylǵan qurylysqa aınalyp, adamdar jyldar boıy baspanasyz jáne naqty merzimsiz qaldy. Bul týraly búgin elordalyq prokýratýrada habarlandy, dep habarlaıdy infohub.kz.
Qadaǵalaý organynyń málimetinshe, sozylǵan tarıhqa sot arqyly núkte qoıyldy: aıaqtalmaǵan nysan jańadan qurylǵan turǵyn úı qurylys kooperatıvine berildi. Osydan keıin keshen tolyq aıaqtalyp, úleskerler aqyry páterlerin aldy. Sonymen qatar, prokýrorlardyń aıtýynsha, «Atamarı» — mundaı jalǵyz jaǵdaı emes.
«Aǵymdaǵy jyldyń basynan beri sottar prokýrordyń 277 úleskerdiń múddesine 3,9 mlrd teńge somasyndaǵy bir talap aryzyn qanaǵattandyrdy. Úlestik qurylys salasyndaǵy zańdylyqty qamtamasyz etý jumystary prokýratýra organdarynyń turaqty baqylaýynda. Elordalyq prokýratýra azamattardy salynyp jatqan turǵyn úı kesheninen páter satyp alar aldynda homeportal.kz saıtynda tıisti ruqsattyń bar-joǵyn tekserýge shaqyrady», — dep atap ótti Astana qalasy prokýrorynyń kómekshisi Dınara Túkeeva.