Qostanaı oblysynda áleýmettik kómek kórsetýdegi buzýshylyqtar anyqtalyp, joıyldy, dep habarlaıdy infohub.kz.
Ózenkól aýdanynyń prokýratýrasy aýdandyq máslıhattyń 2023 jylǵy 6 jeltoqsandaǵy № 51 sheshimimen bekitilgen áleýmettik kómek kórsetý qaǵıdalarynyń saqtalýyn tekserdi. Tekserý barysynda dáleldi sebeptermen ótinish berýdiń úsh aılyq merzimin ótkizip alǵan azamattardyń kómekke júginý múmkindiginen is júzinde aıyrylǵany anyqtaldy, sebebi qoldanystaǵy qaǵıdalarda ótkizip alynǵan merzimdi qalpyna keltirý tetigi qarastyrylmaǵan.
Sonymen qatar, múgedektigi bar azamattardan qosymsha medısınalyq qujattar talap etilgeni anyqtaldy, biraq zańnama olardy áleýmettik kómek alýdyń mindetti sharty retinde qarastyrmaıdy.
Osyǵan baılanysty prokýratýra narazylyq bildirdi, nátıjesinde buzýshylyqtar joıylyp, qaǵıdalar zańnama talaptaryna sáıkestendirildi. Qabyldanǵan sharalar azamattardyń quqyqtaryn qorǵaýǵa jáne memlekettik áleýmettik kómek alýdaǵy negizsiz shekteýlerdi joıýǵa múmkindik berdi.