Ońtústik Afrıkadaǵy tastalǵan shahtada keminde 14 kenshi qaza taýyp, taǵy birnesheýi jaraqat aldy. Bul týraly seısenbide polısıa málimdedi. Ońtústik Afrıka polısıa qyzmetiniń habarlaýynsha, qaza tapqandar Iohannesbýrgten soltústik-batysqa qaraı shamamen 130 shaqyrym jerdegi Rýstenbýrg qalasynyń mańyndaǵy shahtadan tabylǵan.
Ulttyq polısıa qyzmeti qaza bolý jaǵdaılaryna qatysty egjeı-tegjeıli aqparat bermegen, alaıda provınsıalyq polısıa komısary shahtaǵa bet alǵanyn habarlady. Ońtústik Afrıkada myńdaǵan beıresmı kenshiler altyn men platına óndiretin, biraq kompanıalar paıdalanbaıtyn shahtalarda zańsyz jumys isteıdi. Bul kenshiler kóbinese qaýipsizdik quraldarynsyz jumys isteıdi jáne qaldyq ken oryndaryn izdep, jer astynda aptalap júredi.
Beıresmı ken óndirý Ońtústik Afrıkadaǵy kúrdeli másele bolyp tabylady jáne qylmystyq toptarmen baılanysty. Beıresmı kenshiler kóbinese básekeles toptarmen qaqtyǵysatyn bandylar bolyp jumys isteıdi. Rýstenbýrg — álemdegi eń iri platına qory bar Ońtústik Afrıkadaǵy platına óndirý ortalyǵy.