6 synyp
Sabaqtyń taqyryby: Sóz taptary. Zat esim.
Sabaqtyń maqsaty:
Bilimdilik: Oqýshylarǵa sóz taptary, onyń ishinde zat esim, zat esimniń jalpy esim, jalqy esim túrleri týraly tereńirek bilim berý.
Damytýshylyq: Sóz taptary boıynsha bastaýysh synyptarda meńgergen bilimderine súıene otyryp, zat esim týraly túsinikterin damytý; saýatty jazý, oqý daǵdylaryn jetildirý; oqýshylardyń belsendi oılaý qyzmetterin jandandyrý.
Tárbıelik: qazaq tiliniń morfologıalyq zańdylyqtaryn túsindire otyryp, tildik - estetıkalyq sezimderine tárbıeleý, adamdyq qasıetterin damytý.

Kútiletin nátıje: oqýshylar zat esimniń gramatıkalyq kategorıalary týraly tolyq meńgeredi, sóılem arasyndaǵy zat esimderdi suraq qoıý arqyly birden taba alady.
Pánaralyq baılanys: orys tili, aǵylshyn tili
Sabaqtyń túri: jańa bilimdi meńgertý sabaǵy.
Ádisi: túsindirý, izdenis, suraq - jaýap, taldaý.
Kórnekilikter: slaıdtar, syzba - nusqa, taqyrypqa arnalǵan keste - plakat, oqýlyq
Sabaqtyń ótý barysy:
İ. Uıymdastyrý kezeńi
*oqýshylardy túgendeý;
*oqýshylardyń zeıinin sabaqqa aýdarý.

Sabaqtyń barysy:
İ. Uıymdastyrý kezeńi.
- Sálemetsizder me, oqýshylar! Sizdermen búgin tikeleı efırde jumys jasaımyz. Mektebimizde 21 qyrkúıekten bastap Qazaqstan halqynyń Tilder festıváli aıasynda úsh tilde synyptan tys is - sharalar ótkizilip, ashyq sabaqtar júrgizilýde. Búgingi tańda kóp tildi oqytý – jas urpaqtyń bilim keńistiginde erkin samǵaýyna jol ashatyn, álemdik ǵylym qupıalaryna úńilip, óz qabiletin tanytýyna múmkindik beretin qajettilik. Úsh tilde oqytý – zaman talaby desek, onyń negizgi maqsaty: birneshe tildi meńgergen, áleýmettik jáne kásiptik baǵdarǵa qabiletti, mádenıetti tulǵany damytý jáne qalyptastyrý. Elbasy Nursultan Nazarbaev: “Qazaqstan búkil álemde halqy úsh tildi paıdalanatyn mádenıetti el retinde tanylýǵa tıis. Bular: qazaq tili – memlekettik til, orys tili – ultaralyq qatynas tili jáne aǵylshyn tili – jahandyq ekonomıkaǵa oıdaǵydaı kirigý tili” degen bolatyn. Prezıdentimiz Nursultan Nazarbaev: «Qazaq tili úsh tildiń bireýi bolyp qalmaıdy. Úsh tildiń birinshisi, negizgisi, bastysy, mańyzdysy bola beredi» - degen eskertý aıtqan bolatyn.
Búgingi aıdarymyzda «Sóz taptary. Zat esim» taqyrybynda sóz qozǵaımyz.
Til biliminiń bir salasy – morfologıa. Morfologıa (gr. morf — túr, tulǵa, logos — sóz, ilim) — derbes sózderdiń gramatıkalyq maǵynalaryn tekseretin, gramatıkalyq sóz tulǵalardyń qyzmeti men qalyptasý, damý zańdylyqtaryn zertteıtin til ǵylymynyń bir sapasy.