Stambuldyń burynǵy meri Ekrem Imamoglý jańa merzim aldy: Túrkıa soty ony eki jyl bir aıǵa bas bostandyǵynan aıyryp, saıasatpen aınalysýǵa tyıym saldy. Bul týraly infohub.kz saıty habarlaıdy.
Sheshim saıasatkerdiń Stambuldyń Týzla aýdany ákimshiliginiń burynǵy basshysy Shadı Iazydjıge aıtqan sózderine qatysty is boıynsha shyǵaryldy. Buǵan deıin osy is boıynsha Imamoglý aqtalǵan edi, alaıda apelásıalyq saty aqtaý úkimin kúshinen qaldyryp, is materıaldaryn qaıta qaraýǵa jiberdi.
Buǵan deıin habarlanǵandaı, qoıylǵan aıyptardyń jıyntyǵy boıynsha Stambuldyń eks-merine 2 430 jylǵa deıin bas bostandyǵynan aıyrý jazasy qaýip tóngen.
Eske salaıyq, Ekrem Imamoglý men onyń baspasózben baılanys jónindegi keńesshisi Murat Ongýn sybaılas jemqorlyqqa qarsy arnaıy operasıa barysynda ustalyp, 2025 jylǵy 19 naýryzda sotqa jetkizilgen. Osydan keıin elde narazylyq sharalary bastaldy. Kóp uzamaı Túrkıa soty Imamoglýdy qamaýǵa alý týraly sheshim shyǵardy, al qala meri qyzmetin opozısıalyq partıanyń ókili Nýrı Aslan atqardy.
Shildede Stambuldyń eks-meri prokýrordy qorlaǵany úshin naqty merzimge — 20 aıǵa sottalǵany belgili boldy. Al qazan aıynyń sońynda Túrkıa soty Imamoglýdy jemqorlyq isi boıynsha aqtady, alaıda Stambul qalalyq prokýratýrasy oǵan jáne birqatar ózge sheneýnikke 2019 jylǵy mer saılaýyna baılanysty tyńshylyq jasady degen kúdikpen jańa qylmystyq is qozǵady.