Qazaqstannyń 59 jolaýshylar poıyzynda spýtnıktik ınternet qoljetimdi, dep habarlaıdy infohub.kz.
Ulttyq tasymaldaýshynyń málimetinshe, qazir Starlink 770-ten astam vagondy qamtıdy. 2026 jyldyń qyrkúıek aıynyń sońyna deıin 124 poıyzdy — ıaǵnı 50 baǵyttaǵy 1235 vagondy spýtnıktik ınternetpen jabdyqtaý josparlanýda.
Spýtnıktik ınternet kelesi baǵyttarda jumys isteıdi: Nurly jol — Almaty, Nurly jol — Óskemen, Nurly jol — Oral, Nurly jol — Petropavlovsk, Almaty-2 — Óskemen, Qyzylorda — Semeı, Aqtóbe — Almaty-1, Mańǵystaý — Aqtóbe, Oral — Mańǵystaý, Aqtóbe — Qazaly, Aqtóbe — Atyraý, Pavlodar — Almaty.
QTJ poıyzdarda spýtnıktik ınternetti 2025 jyly testileı bastady. Starlink pen OneWeb Astana — Almaty, Astana — Óskemen, Astana — Býrabaı, Astana — Semeı jáne Almaty — Mańǵyshlaq baǵyttarynda synaqtan ótti.
Atalǵan baǵyttardaǵy jolaýshylarǵa tegin bazalyq paket ýáde etilgen. Baılanys jyldamdyǵy WhatsApp pen Telegram-da hat almasýǵa jetkilikti bolýy tıis. Basqa qajettilikter úshin kompanıa jeke tarıftik paketter jasaýdy josparlap otyr.
«Spýtnıktik arnanyń tehnıkalyq múmkindikteri 100 Mbıt/s deıingi jyldamdyqty qamtamasyz etedi. Tómen orbıtalyq spýtnıktik baılanysty paıdalaný temirjol jelisiniń shalǵaı ýchaskelerinde de ınternetke qol jetkizýge múmkindik beredi», — dep jazady QTJ.
Buǵan deıin «Kýrsıv» Qazaqstanda jolaýshylar poıyzdarynda ınternetti iske qosý jumystary jalǵasyp jatqanyn jazǵan bolatyn. Sıfrlyq damý mınıstrligi ókilderiniń aıtýynsha, ony barlyq poıyzdarǵa ótkizý múmkin emes — tek zamanaýı «Talgo» poıyzdaryna ǵana.