SpaceX kompanıasynyń Starship ǵarysh kemesi tarıhynda alǵash ret orbıtalyq ushý jasady: kemeniń 14-shi ushyrylymy Jer orbıtasyna 26 Starlink V3 spýtnıgin shyǵardy, dep habarlaıdy infohub.kz saıty.
Aıta ketsek, buǵan deıin Starship-tyń barlyq synaqtary sýborbıtalyq traektorıalar boıynsha ótken — mundaı ushý profıli qaýipsizdik talaptaryn eskere otyryp synaq júrgizýge múmkindik bergen. Qazirgi mısıa kemeniń dál orbıtaǵa shyǵýy tıis alǵashqy ushýy boldy.
SpaceX kompanıasynda orbıtaǵa shyǵý tolyq jáne jyldam qaıta paıdalanylatyn júıeni ázirleýdiń kelesi kezeńin ashatynyn málimdedi.
«Aldaǵy ushý — Starlink V3 spýtnıkterin orbıtaǵa shyǵarýdy josparlaǵan alǵashqy ushýymyz. Olardyń ushyrylýy álem boıynsha baılanys jyldamdyǵy men senimdiligin aıtarlyqtaı arttyrady», — delingen kompanıa jarıalanymynda.
Kompanıa derekterine sáıkes, Starship Jerden shamamen 275 km bıiktikke kóterilip, alty shaqty aınalym jasaýy tıis. Ushý uzaqtyǵy shamamen 10 saǵatty quraıdy, sodan keıin kemeni orbıtadan shyǵaryp, Chılıdiń batysyndaǵy Tynyq muhıtyna qondyrý josparlanýda.
«Starship-tyń joǵarǵy satysy alǵash ret orbıtaǵa shyǵý manevrin oryndap, 26 spýtnıkti shyǵaryp, ǵaryshta bir Raptor qozǵaltqyshymen tejeý ımpúlsin jasap, sodan keıin basqarylatyn qaıtý men Tynyq muhıtyna qonýyn júzege asyrýy kerek», — dep qosty kompanıa.