Reseılik ánshi Stas Mıhaılov Emın Aǵalarovtyń podkastynda tanymal bolmaı turyp qalaı aqsha tapqanyn áńgimeledi. Onyń aıtýynsha, mýzykalyq dańqqa jetpeı turyp-aq ol kásipkerlik qabiletin tanytqan, dep habarlaıdy infohub.kz saıty.
Ánshi alǵashqy tabysyn kóshpeli saýdadan tapqanyn moıyndady. «Men qyzba adammyn, eger sol kezde mýzykamen aınalyspaǵanymda, bıznes jasaǵan bolar edim. Eń aldymen kassetalardan bastadym. Kóshpeli saýda. Men Sochıde alǵashqy bolyp plasık ústel oılap taptym, oǵan júz som tóledim. Mýzykany sál túsinetinimniń arqasynda barlyq oryndaýshylardy jazýǵa bolmaıtynyn, ony satyp almaıtynyn bildim. Ne satyp alady dep oıladym. Túnde júz kasseta jazyp, ákemniń «Volgasyna» ústeldi, «Vega» magnıtofonyn tıep, Sochıdiń ortasynda Bas pochtamttyń qasyna turatynmyn... Barlyq aǵyn menen ótetin, stýdıaǵa kelýin kútýdiń qajeti joq edi. Túske deıin 70-80 kasseta satatynmyn», — dep bólisti ol.
Buǵan deıin biz Stas Mıhaılovtyń áıelimen qarym-qatynasy týraly aıtqanyn jazǵan bolatynbyz.