Stepnogorskide 40 jastaǵy áıel, aldyn ala málimetter boıynsha, аlkogóldik masań kúıde bolǵan, polısıa qyzmetkerine shabýyl jasap, onyń beti men moınyn tyrnap tastaǵan, dep habarlaıdy infohub.kz saıty.
Oqıǵa 15 tamyzda saǵat 00:30 shamasynda bolǵan. Polısıa basqarmasynyń kezekshi bólimine turǵyn úıdegi tynyshtyqty buzý týraly habarlama túsken. Oqıǵa ornyna kelgen patrúldik polıseıler kórsetilgen páterden qatty mýzykanyń daýysyn estigen. Esikti olarǵa 40 jastaǵy áıel ashqan, ol aldyn ala málimetter boıynsha, аlkogóldik masań kúıde bolǵan.
Ol polısıa qyzmetkerleriniń tynyshtyqty buzýdy toqtatý jáne medısınalyq kýálandyrýdan ótý týraly zańdy talaptaryna agressıvti jaýap berip, balaǵat sózder aıtyp, polıseılerdiń talaptaryn oryndaýdan bas tartqan. Týyndaǵan janjal barysynda áıel polısıa qyzmetkerleriniń birin ıterip jibergen, sodan keıin podezge júgirip shyǵyp, oǵan lap qoıyp, beti men moınyna tyrnaq salǵan.
Bılik ókiline qatysty zorlyq-zombylyq qoldaný faktisi boıynsha sotqa deıingi tergeý bastalǵan. Oqıǵanyń mán-jaıy anyqtalyp jatyr.
Polısıa qoǵamdyq tártipti saqtaý jáne quqyq qorǵaý organdary qyzmetkerleriniń zańdy talaptaryn oryndaý qajettigin eske saldy. «Аlkogóldik masań kúıde janjal jaǵdaılaryn boldyrmaýǵa erekshe nazar aýdarý kerek. Qoǵamdyq tártipti buzý, sondaı-aq bılik ókilderine qatysty zorlyq-zombylyq qoldaný Qazaqstan Respýblıkasynyń zańnamasyna sáıkes jaýapkershilikke ákep soǵady», — dep qosty polısıada.