Ýkraınanyń Joǵary sybaılas jemqorlyqqa qarsy soty Ýkraına prezıdenti keńsesiniń burynǵy basshysy Andreı Ermakqa elektrondy bilezik taqpaýǵa ruqsat berdi, dep habarlaıdy infohub.kz saıty.
Ermak 2026 jyldyń mamyr aıynan bastap aqsha jylystatý isi boıynsha qamaýda otyr. Aıta keteıik, eks-sheneýniktiń ókilderi 10 tamyzda Joǵary sybaılas jemqorlyqqa qarsy sotta prosesýaldyq mindetterdi uzartý máselesi qaralǵan kezde klıentterine elektrondy baqylaý qurylǵysyn taqpaýǵa ruqsat berýdi suraǵan edi. Sot ol kezde bul ótinishti qanaǵattandyrmaǵan.
Keshe Ermak tarapy kózdegenine jetti: táýelsiz medısınalyq sarapshynyń baǵalaýynsha, qurylǵy ómir men densaýlyqqa qaýip tóndirýi múmkin bolǵandyqtan, sot bilezikti taqpaýǵa ruqsat berdi.
2025 jyldyń qarasha aıynyń sońynda Ulttyq sybaılas jemqorlyqqa qarsy búro (NABÝ) men Sybaılas jemqorlyqqa qarsy mamandandyrylǵan prokýratýra (SAP) úkimettik kvartalda prezıdent keńsesiniń basshysy Andreı Ermaktyń úıinde tintý júrgizdi.
Kóp uzamaı Ýkraına prezıdenti keńsesiniń basshysy Andreı Ermak otstavkaǵa ketkeni belgili boldy; ol buǵan deıin kelissóz delegasıasyn basqarǵan. Keıin Zelenskı Býdanovqa Ermaktyń ornyna Ýkraına prezıdenti keńsesin basqarýdy usyndy. Sondaı-aq Andreı Ermak aqsha jylystatýǵa kúdikti ekeni habarlandy. Jýyrda ol qamaýǵa alyndy.