Sultan Sársemálıev Atyraý oblysynda tórt adamdy óltirgeni úshin ómir boıy bas bostandyǵynan aıyrýǵa sottaldy, dep habarlaıdy infohub.kz.
Buǵan deıin memlekettik aıyptaýshy sottalýshyǵa dál osyndaı jaza taǵaıyndaýdy suraǵan edi. Prokýror eki nemese odan da kóp adamdy asa qatygezdikpen jáne paıdakúnemdik maqsatta óltirý baby boıynsha ómir boıyna bas bostandyǵynan aıyrýdy talap etti. İste budan bólek te birneshe bap bar.
Jangeldın aýylyndaǵy jan túrshigerlik qylmys ótken jyldyń sońynda bolǵan. Tergeý nusqasyna sáıkes, Sársemálıev burynǵy áıeli Aqbaıan Muqanǵalıevanyń ata-anasyn, aǵasy men qaryndasyn qatygezdikpen óltirgen.