Mańǵystaý oblysynda kadrlyq ózgeris boldy: Jańaózen qalasynyń jańa ákimi Symbat Qýanyshuly Tóretaev boldy. Ol buǵan deıin osy qyzmetti atqaryp kelgen Janseıit Qaınarbaevtyń ornyna taǵaıyndaldy, dep habarlaıdy infohub.kz saıty.
Taǵaıyndaý týraly Mańǵystaý oblysy ákimdiginiń baspasóz qyzmeti málimdedi. Resmı habarlamaǵa sáıkes, sheshim Qazaqstan Prezıdenti Ákimshiligimen kelisilip, Mańǵystaý oblysy ákimi Nurdáýlet Qılybaıdyń ókimimen resimdeldi.
«Qazaqstan Prezıdenti Ákimshiligimen kelisim boıynsha Mańǵystaý oblysy ákimi Nurdáýlet Qılybaıdyń ókimimen Symbat Tóretaev Jańaózen qalasynyń ákimi bolyp taǵaıyndaldy», — delingen oblys ákimdiginiń habarlamasynda.
Symbat Qýanyshuly Tóretaev 1978 jyly 27 qańtarda Mańǵystaý oblysy Eralıev aýdanynyń Jetibaı aýylynda dúnıege kelgen. Eńbek jolyn 2000 jyly Mańǵystaý oblysy İshki ister basqarmasynda uıymdasqan qylmysqa qarsy kúres basqarmasynyń jedel ýákili qyzmetinen bastady. Keıin aǵa jedel ýákil, sondaı-aq asa mańyzdy ister jónindegi aǵa jedel ýákil bolyp jumys istedi.
2017–2019 jyldary Tóretaev Mańǵystaý oblysy ákimi apparatynyń terorızmge qarsy is-qımyl bólimin basqardy. 2019–2023 jyldary Qaraqıa aýdany ákiminiń orynbasary qyzmetin atqardy. 2023 jyldyń mamyr aıynan osy taǵaıyndaýǵa deıin Qaraqıa aýdanyn ákim retinde basqardy.
Aıta keteıik, 2024 jyldan beri Jańaózen ákimi qyzmetin Janseıit Qaınarbaev atqaryp kelgen edi.