Tamyzdaǵy UBT-ny 27 myńnan astam adam tapsyrdy, dep habarlaıdy infohub.kz saıty.
Talapkerlerdiń 53%-y shekti bal jınady. Bes pán boıynsha ortasha bal – 55. Maksımaldy bal – 136.
«UBT ótkizý kezeńinde ereje buzýdyń 66 faktisi anyqtaldy. Onyń ishinde smartfon, shpargalka jáne basqa da tyıym salynǵan zattardy ótkizýge tyrysqany úshin 30 talapker testileý múmkindiginen aıyryldy. Testileý kezinde ereje buzǵany úshin aýdıtorıadan 36 adam shyǵaryldy. Jalǵan adamdar anyqtalǵan joq», – delingen habarlamada.
UBT-2026 aıaqtalǵannan keıin beınejazbalarǵa taldaý kúntizbelik jyldyń 31 qazanyna deıin júrgiziledi. Tyıym salynǵan zattardy paıdalaný nemese ereje buzý faktileri anyqtalǵan jaǵdaıda UBT nátıjeleri joıylady.
«Kolej túlekteri óz mamandyǵy boıynsha joǵary oqý ornynda aqyly negizde oqýdy jalǵastyrýdy josparlasa, áńgimelesý nátıjeleri boıynsha túse alady. Bul jaǵdaıda qabyldaýdy joǵary oqý oryndarynyń qabyldaý komısıalary júzege asyrady», – dep habarlady mınıstrlikte.