Eı, Taǵdyr!
Sóıleseıik, kelshi bermen.
Qanshama soqpaqtarǵa bastasań da,
Senimen sóılesýdi ersi kórmen.
Bilesiń be?
Men saǵan baǵynbaımyn!
Bar ma taǵy beretin zaryń, qaıǵyń?!
Kóldeneńdep jolymda taý bop tursań,
Men - munartqan basyńda saǵymdaımyn!
Sondyqtan da jiber dep jalynbaımyn.
Hege janyń ashymaı tiri adamǵa,
Hege sala beresiń buralańǵa?
Óz taǵdyrym - ózime ana emes pe eń,
Jubatpaısyń nege sen jylaǵanda?
Jaqsylyqtyń qımaısyń qaldyǵyn da,
Qarǵysyń ba, qaldyrǵan jarlyǵyń ba?
Men degende jylandaı jıyrylyp,
Kerisinshe isteısiń barlyǵyn da...