Taıland premer-mınıstri Anýthın Chanvırakýn reseılik Nazımovtardyń qatygezdikpen óltirilýin el úshin «úlken uıat» dep atady, dep habarlaıdy infohub.kz.
Úkimet basshysynyń aıtýynsha, sheteldikterge qatysty aýyr qylmystardyń qurbany kóbinese týrıser emes, ekspattar bolady. 17 jastaǵy Roman men 22 jastaǵy Dıana Nazımovtardy asa qatygezdikpen óltirdi degen kúdikpen Taılandtyń eki azamaty ustalǵannan keıin, sheneýnik senbi kúni osy istiń tergeýine baılanysty Pattaııaǵa bardy.
«Jas reseılikterdiń óltirilýi taılar tarapynan jasalǵandyqtan, bul — qasiret qana emes, Taıland úshin úlken uıat. Biz muny túsinemiz. Eki jaǵdaıda da tergeý men sot osy qylmystarǵa ákelgen sebepterdi muqıat anyqtap, bolashaqta mundaı qasirettiń qaıtalanbaýyn qamtamasyz etedi», — dedi premer-mınıstr.
Ol sheteldikterge qatysty aýyr qylmystar Taıland úshin óte sırek ekenin, al taldaý kórsetkendeı, kóp jaǵdaıda qurbandar elde jyldar boıy turatyn ekspattar bolatynyn, týrıser emes ekenin atap ótti.
«Sebebi, ekspattar týrıserge arnalǵan qaýipsiz aımaqtardan tys jerlerde turyp, tamaqtanyp, demalady. Al bul aımaqtarda sheteldikterdiń qaýipsizdigi men quqyq qorǵaý organdarynyń jumysy árqashan joǵary deńgeıde, ómir yrǵaǵy qysqa demalysqa saı keledi», — dep túsindirdi Chanvırakýn.
Eske salaıyq, reseılikter 26 shilde kúni tańerteń habar-osharsyz joǵalǵan, keıin olardyń Honda ADV 150 motosıkli Chonbýrı provınsıasyndaǵy eski zırat mańynda bólshektelip, kómilgen kúıinde tabylǵan.
Keıin eki kúdikti ustalyp, olar 22 jastaǵy Dıana Nazımova men onyń 17 jastaǵy inisi Romandy óltirgenderin moıyndady. Olardyń aıtýynsha, motosıkldi urlamaq bolǵan, alaıda jasóspirimder qarsylyq kórsetkende, inisin atyp óltirip, ápkesin uryp óltirgen.
Sondaı-aq kúdiktiler denelerdiń jerlengen jerin kórsetti. Reseılikterdiń qasynan úsh óli taı tabyldy: er adam, áıel jáne qyz bala.
Kóp uzamaı Taılandtaǵy polısıa bólimshesiniń aldyna jınalǵan tobyr reseılik aǵa-qaryndasty jáne jergilikti otbasyn óltirdi degen kúdiktilerge ólim jazasyn taǵaıyndaýdy talap etti.