Sybaılas jemqorlyqpen kúrestegi atyshýly isterdi tergegen burynǵy tergeýshi Olesá Kekselge qatysty qylmystyq is qozǵaldy. Bul týraly Bas prokýratýra málimdedi.
Kekselge QR Qylmystyq kodeksiniń 146-baby 2-bóligi 1) jáne 2) tarmaqtary boıynsha («Azaptaý») aıyp taǵylyp otyr. Ol Sybaılas jemqorlyqqa qarsy is-qımyl ulttyq búrosynyń Tergeý departamenti basshysynyń orynbasary qyzmetin atqarǵan.
Eske salaıyq, Keksel kezinde eks-premer Serik Ahmetov, burynǵy densaýlyq saqtaý mınıstri Jaqsylyq Dosqalıev jáne eks-ulttyq ekonomıka mınıstri Qýandyq Bıshimbaevtyń isterin tergegen bolatyn.
Buǵan deıin osy is aıasynda ulttyq búronyń eks-basshysy Talǵat Tatýbaev ta ustalǵan edi.