Taldyqorǵanda jastar joldyń ózinde qaýipti qylyqtar jasady: qozǵalyp kele jatqan kólik terezesinen shyǵyp, memlekettik tirkeý nómiri joq kúıde júrdi, al bireýi qoǵamdyq orynda dáret syndyrdy. Barlyq buzýshylyq jedel basqarý ortalyǵynyń kameralaryna túsip qaldy, dep habarlaıdy infohub.kz saıty.
Jetisý oblysy polısıa departamentiniń málimetinshe, oqıǵa Taldyqorǵanda bolǵan. Vedomstvo bolǵan jaıdy «erejesiz júris» dep sıpattady. Beınebaqylaý kameralary jastar jibergen birneshe buzýshylyqty birden tirkep aldy.
«Kadrlarda kólik qozǵalyp kele jatqanda jolaýshylardyń biri qaýipsizdik talaptaryn elemeı, terezeden shyǵyp turǵany kórinedi. Sodan keıin kólik toqtap, odan memlekettik tirkeý nómiri alynady da, ol nómirsiz júrisin jalǵastyrady. Keıinirek jolaýshylardyń biri, 22 jastaǵy jas jigit, qoǵamdyq orynda dáret syndyryp, usaq buzaqylyq jasady», — dedi polısıa departamentinde.
Polısıa qyzmetkerleri oqıǵaǵa qatysqandardyń barlyǵyn anyqtady. 19 jastaǵy júrgizýshi jibergen buzýshylyqtary úshin ákimshilik jaýapkershilikke tartyldy. 22 jastaǵy jolaýshyǵa qatysty usaq buzaqylyq faktisi boıynsha materıaldar sotqa jiberildi.