Taldyqorǵanda polısıa qyzmetkerleri er adamdy ustady. Onyń áıeli shabýyl jasalǵany týraly aryzdanǵan. Ustalǵan adamnyń qarýy tárkilendi, dep habarlaıdy infohub.kz saıty.
Jetisý oblysy polısıa departamentiniń málimetinshe, 2 qazanda Taldyqorǵan turǵyny polısıaǵa kelip, kúıeýiniń denesine jaraqat salyp, qorqytqanyn aıtqan.
«Oqıǵa ornyna dereý polısıa qyzmetkerleri kelip, er adamdy ustady. Odan pnevmatıkalyq qarý tárkilendi», — dedi quqyq qorǵaý organdary.
Dene jaraqatyn salý jáne qorqytý faktisi boıynsha qylmystyq is qozǵaldy. Kúdikti ýaqytsha oqshaýlaǵyshqa qamaldy.
«Dárigerler teksergennen keıin áıel men onyń balasy daǵdarys ortalyǵyna ornalastyrylyp, qajetti kómek kórsetildi. Buǵan deıin áıel polısıaǵa shaǵymdanbaǵan», — dedi polısıa departamentinde.
Polısıa jarıalaǵan beınejazbada jartylaı jalańash er adam jeke úıdiń aýlasynda áıeldi qýalap júrgenin baıqaýǵa bolady.