Qazaqstanda temeki ónimderin tańbalaý quny arzandaýy múmkin: Qarjy mınıstrligi bir baqylaý belgisi men sáıkestendirý quralynyń baǵasyn 2,68 teńgeden 2,66 teńgege tómendetý týraly buıryq jobasyn qoǵamdyq talqylaýǵa shyǵardy, dep habarlaıdy infohub.kz saıty.
Memlekettik kirister komıtetiniń pikirinshe, bul shara naryq qatysýshylarynyń tańbalaýǵa jumsaıtyn shyǵynyn azaıtýǵa múmkindik beredi. «Jobany qabyldaýdyń maqsaty – tarıftik júktemeni azaıtý jáne temeki ónimderin aınalymǵa qatysýshylar úshin Biryńǵaı tańbalaý operatorynyń qyzmetterine obektıvti ári qarjylyq negizdelgen tarıfti qoldaný», – delingen qujatta.
Sondaı-aq Qarjy mınıstrligi bul ózgeris temeki ónimderin tańbalaý jáne qadaǵalaý júıesiniń jumysyna áser etpeýi tıis ekenin atap ótti.
Ashyq normatıvtik quqyqtyq aktiler portalynda jarıalanǵan jobany talqylaý 2026 jylǵy 5 qazanǵa deıin jalǵasady.
Tańbalaý – temeki qorabyna túsiriletin arnaıy sıfrlyq kod. Ol arqyly taýardyń qaıda jáne qashan óndirilgenin nemese ımporttalǵanyn anyqtaýǵa, sondaı-aq satylǵanǵa deıingi jolyn qadaǵalaýǵa bolady. Mundaı júıe memleketke temeki ónimderiniń aınalymyn baqylaýǵa, kontrafaktini anyqtaýǵa jáne tıisti salyq tólenbegen temeki satýdy toqtatýǵa kómektesedi.
Buǵan deıin «Kýrsıv» Qazaqstannyń temeki eksporty boıynsha rekord ornatqanyn jazǵan bolatyn. 2026 jylǵy qańtar men naýryz aralyǵynda el 42,5 mln dollarlyq temeki ónimderin eksporttady.