Qazaqstandyq YouTube paıdalanýshylary tamyz aıynda mańyzdy jańalyqtar sújetterin de, oıyn-saýyq baǵdarlamalaryn da qyzyǵýshylyqpen tamashalady. Aýrýlar, Aral teńiziniń qalpyna kelýi, fýtbol sholýlary men adam taǵdyry týraly materıaldar úzdikter qataryna endi, dep habarlaıdy infohub.kz saıty.
Jańalyqtar beıneleriniń arasynda qazaqstandyqtar shetelden ákelgen Denge qyzbasy týraly sújet kósh bastady. Jyl basynan beri elimizde qaýipti aýrýdyń jeti jaǵdaıy tirkelgen, barlyq naýqas — Almaty turǵyndary. Infeksıanyń tasymaldaýshylary — tropıkalyq elderde mekendeıtin masalar. Bul materıal 239 153 ret qaraldy.
Sondaı-aq, AQSH-ta sıklosporozdan alǵashqy ólim jaǵdaılary týraly aqparat úlken qyzyǵýshylyq týdyrdy. Mıchıgan shtatynyń bıligi aýrýdyń órshýi saldarynan eki adam qaıtys bolǵanyn habarlady. Beıne 202 649 ret kórildi.
Almaty turǵyndary ádettegi JRVI-ge uqsamaıtyn belgileri bar oǵash vırýsqa alańdaýly. Almaty TV News jýrnalıseri qalada qandaı vırýstar taralyp jatqanyn jáne olardyń erekshelikterin anyqtady. Sújet 175 677 ret qaraldy.
Soltústik Araldy qalpyna keltirý taqyryby da nazardan tys qalmady. Teńizdegi sý kólemi 23 mıllıard tekshe metrden asty, al ótken jyldyń qazan aıynan bastap Syrdarıa arqyly shamamen 1,2 mıllıard tekshe metr sý jiberildi. Beıneni 168 069 adam kórdi.
Sport sanatynda fýtbol sózsiz kóshbasshy. QAZSPORT TV-diń ÝEFA Sýperkýbogy úshin PSJ — Aston Vılla machyna jasaǵan sholýy 165 207 ret qaraldy.
Oıyn-saýyq baǵdarlamalarynyń arasynda eń kóp qaralym — 335 618 — QosLike realıtı-shoýynyń efırde jeke qarym-qatynas quratyn qatysýshylary bar shyǵarylymyna tıesili.
«Júregimniń ıesi» serıalynyń (1-bólim) «Jetinshi arnadaǵy» kórsetilimi Koreıadan oralyp, dosynyń problemalaryna tap bolǵan Mıras týraly oqıǵany baıandady. Beıne 334 219 ret qaraldy.
KTK TV-degi «Hat» telehıkaıasynyń (1-bólim) sújeti aýyldyń barlyq turǵyndaryn biletin jáne olarǵa kómektesetin, biraq óz qıyndyqtaryn jasyratyn poshtashy Ajar apaı týraly. Bólimdi 127 163 adam kórdi.
Qazaqstan TV-degi «Qazir aıtaıyq» tok-shoýy qazirgi toı mádenıeti men dástúrlerdiń ózgerýin talqylady. Shyǵarylym 42 071 ret qaraldy.