Zor Táńiri, kúshtisiń sen, senemiz biz,
Ádil dep, ár isińe kónemiz biz.
Óz qulyn ózi eńiretpes týra Ie dep,
Ózińe erik tizginin beremiz biz.
Aýyzdan Alla atyńdy tastamaımyz,
Allasyz eshbir iske bastamaımyz.
«Ádil han, buıryǵyńa boısundyq»- dep,
Buıryqsyz bir adym da attamaımyz.
Kesh, Táńirim, bolsa sózim pendeshilik,
Minekeı, aıqyn zulym, qaıda ádildik?
Sonshama keń rahmetten qur tastaıtyn,
Balasy alty Alashtyń - biz ne qyldyq?
Basqaǵa oryn berdiń jaqsy jaıdan -
Zeńgir taý, túpsiz darıa, tereń saıdan.
Úmitsiz, tilegi joq, turaǵy joq,
Qýylǵan dárgahyńnan biz be shaıtan?
Bizge otsyz shól dalany oryn qyldyń,
Baq-dáýlet, óner-bilim qyryn qyldyń.
Aıt - toı, meıram maǵynasynda.
Kesir dep kek alatyn ógeı balań
Biz be edik? Kóp tóbetke jyrym qyldyń
Jiberdiń basqa jurtqa jolbasshylar,
Ár jurttyń jolbasshymen kózi ashylar.
He elshi, ne jol silter kitabyń joq -
Alashqa álde jazǵany bar da shyǵar?
Baqytsyz qańǵyp júrgen kazaq sorly,
Árkimge kúni ketip, mazaq sordy.
Bir elshi jibermediń, sanǵa almadyń
Jalańash túıe baqqan arab qurly!
Kesh, Táńirim, sorly qulǵa qahar etpe,
Raqym qyl, biz sorlyny shetke teppe.
Sóz shyqty jan ashýmen, Ádil Táńirim,
Tıgen soń ashshy taıaq tushshy etke.

---