Japonıada ótip jatqan 2026 jylǵy XX jazǵy Azıa oıyndarynda Qazaqstannyń grebnoı slalom quramasy kaıak-kross saıysynda júldesiz qaldy. Juma kúni erler men áıelder bir-bir komplekt medal sarapqa saldy. El namysyn sheshýshi fınalǵa deıin jetkizgen jalǵyz sportshy — Ekaterına Taranseva. Ol sheshýshi jarysta tórtinshi orynǵa turaqtap, týrnırdegi ekinshi jeke medaline bir-aq qadam jetpeı toqtady, dep habarlaıdy infohub.kz saıty.
Áıelder fınalynda jeńisti qytaılyq Chen Lın jeńip aldy, qolany onyń otandasy Súı Lınsı ıelendi. Kúmis Qytaı Taıbeıinen kelgen Chan Chýhanǵa buıyrdy. Taǵy bir qazaqstandyq Anastasıa Ananeva shırek fınal satysynda kúresti aıaqtady.
Erler arasynda el namysyn Vladıslav Rábko men Aleksandr Korobov qorǵady. Ekeýi de shaǵyn fınalǵa joldama alyp, jalpy esep qorytyndysy boıynsha sáıkesinshe besinshi jáne segizinshi oryndarǵa turaqtady. Altyn men kúmisti eki japondyq — Iýýkı Tanaka men Kadzýıa Adatı jeńip aldy, úzdik úshtikti qytaılyq Súan Sın túıindedi.
Osylaısha, Qazaqstannyń grebnoı slalom quramasy Azıada-2026-ny úsh qola medalmen aıaqtady. Pedestalǵa Taranseva men Korobov (ekeýi de — baıdarka-jekeleı), sondaı-aq Ananeva (kanoe-jekeleı) kóterildi.