Tarazda qatty jeldiń ekpini ishinde eki bala otyrǵan úrmeli batýtty aýaǵa kóterdi. Baqytyna qaraı, balalar qoryqqany bolmasa, zardap shekken joq, dep habarlaıdy infohub.kz.
Oqıǵa 11 tamyzda Uly dala shaǵyn aýdanyndaǵy № 68/1 úıdiń janynda boldy. Jeldiń kúrt kúsheıýinen atraksıon aýdarylyp, joǵary kóterildi, sodan keıin balalar jerge qulady. Kózázder bolǵan oqıǵany vıdeoǵa túsirip, áleýmettik jelilerde tez taratty. Kadrlarda batýttyń qısaıyp, aýaǵa kóterilgeni, eresekterdiń balalarǵa kómekke umtylǵany kórinedi.
Taraz qalasy Áýlıeata aýdany ákimdiginiń málimetinshe, oqıǵa ornyna jedel járdem brıgadasy shuǵyl jetken. Dárigerler balalardy tekserip, densaýlyqtaryna eshqandaı zıan kelmegenin, jaraqat almaǵanyn anyqtady.
Bolǵan oqıǵaǵa baılanysty atraksıondy ornatqan kásipkerge qatysty ákimshilik shara qoldanylyp, oǵan aıyppul salyndy. Sonymen qatar, ýákiletti bólimge avtokólik turaǵynyń ıesine qatysty shara qoldaný týraly usynys jiberildi, óıtkeni nysan maqsatyna saı paıdalanylmaǵan.