Tárbıe jumysynyń jospary 2017 - 2018 oqý jyly

Mektepishilik tárbıe jumysynyń ádistemelik taqyryby:
Ulttyq rýhy bıik, adamgershiligi joǵary, salaýatty ómir saltyn ustanatyn, eliniń ótkenin qurmet tutyp, erteńine óz úlesin qosýdy paryzym dep biletin jan - jaqty bilimdi, qabiletti, jańashyl tulǵa qalyptastyrý.
Tárbıe jumysynyń basym baǵyttary
Birinshi baǵyt – Qazaqstandyq patrıotızm jáne azamattyq tárbıe, quqyqtyq tárbıe
Maqsaty: Jańa demokratıalyq qoǵamda ómir súrýge qabiletti azamatty jáne patrıotty;
tulǵanyń saıası, quqyqtyq jáne sybaılas jemqorlyqqa qarsy mádenıetin; balalar men jastardyń quqyqtyq sanasyn, olarda balalar men jastar ortasyndaǵy qatygezdik pen zorlyq - zombylyqqa qarsy turý daıarlyǵyn qalyptastyrý.
Ekinshi baǵyt – Rýhanı - adamgershilik tárbıe
Maqsaty: Tulǵanyń qazaqstandyq qoǵam ómiriniń jalpyadamzattyq qundylyqtarymen, normalarymen jáne dástúrlerimen kelisilgen rýhanı - adamgershilik jáne etıkalyq ustanymdaryn, moraldyq qasıetterin jáne kózqarastaryn qalyptastyrý.
Úshinshi baǵyt – Ulttyq tárbıe
Maqsaty: Tulǵany ulttyq jáne jalpyadamzattyq qundylyqtarǵa, ana tilin jáne memlekettik tildi, qazaq halqynyń, Qazaqstan Respýblıkasyndaǵy etnostar men etnıkalyq toptardyń mádenıetin qurmetteýge baǵdarlaý.
Tórtinshi baǵyt – Otbasy tárbıesi
Maqsaty: Ata – analardy oqytý, bala tárbıesinde olardyń psıhologıalyq - pedagogıkalyq quzyrettilikterin jáne jaýapkershilikterin arttyrý.
Besinshi baǵyt – Eńbek, ekonomıkalyq jáne ekologıalyq tárbıe
Maqsaty: Tulǵanyń ózin kásibı anyqtaýyna sanaly qarym - qatynasyn qalyptastyrý, ekonomıkalyq oılaýyn jáne ekologıalyq mádenıetin damytý.
Altynshy baǵyt - Zıatkerlik tárbıe, aqparattyq mádenıet tárbıesi
Maqsaty: Árbir tulǵanyń zıatkerlik múmkindigin, kóshbasshylyq qasıetterin jáne daryndylyǵyn, sondaı - aq aqparattyq mádenıetin damytýdy qamtamasyz etetin ýájdemelik keńistik qalyptastyrý.
Jetinshi baǵyt - Kópmádenıetti jáne kórkem - estetıkalyq tárbıe
Maqsaty: tulǵanyń jalpymádenı minez - qulyq daǵdylaryn qalyptastyrý, tulǵanyń ónerdegi jáne bolmystaǵy estetıkalyq nysandardy qabyldaý, meńgerý jáne baǵalaý ázirligin damytý, bilim berý uıymdarynda kópmádenıetti orta qurý.
Segizinshi baǵyt - Dene tárbıesi, salaýatty ómir salty
Maqsaty: Salaýatty ómir salty, dene damýy jáne psıhologıalyq densaýlyq saqtaý daǵdylaryn, densaýlyqqa zıan keltiretin faktorlardy anyqtaý biliktiligin oıdaǵydaı qalyptastyrý úshin keńistik ornatý.
Tárbıe jumysynyń jospary. júkteý