Tárbıeshilerge arnalǵan psıhologıalyq jattyǵýlar.
Maqsaty: tárbıeshilerdiń psıhıkalyq kóńil – kúılerin kóterý, shyǵarmashylyq qabiletterin baǵalaı bilý, ózderine qurmetpen qaraý, ujymdyq syılastyq qarym – qatynas ornatý.
Sálemdesý
Jyly – jyly júzbenen,
Mańdaıynan sıpaıyn
Jyly – jyly sózbenen,
Júregimdi syılaıyn.
Ystyq alaqanymmen,
Qolyńdy bir qysaıyn
Amandasyp ózińmen,
Qushaǵyma qysaıyn.
“Jaqsy kún daıyndaý reseptisi”
Árbir kúnge:
12 porsıalyq aqyldylyq
11 porsıa shydamdylyq
10 porsıa batyldylyq
9 porsıa jumysqa qabilettilik
8 porsıa belsendilik
7 porsıa óz isine berilýshilik
6 porsıa oılanýdy
5 porsıa meıirimdilik
4 porsıa demalys pen densaýlyq týraly oı
3 porsıa uqyptylyq
1 porsıa ár balaǵa uqyptylyq

“Ara” jattyǵýy
Tárbıeshiler sheńber quryp turady, qoldy bir ret shapalaqtaǵan kezde kózderin jumyp aralar sıaqty yzyldap júredi, eki ret qol shapalaqtaǵan kezde sheńber jasaýǵa tyrysady. Kózdi ashýǵa bolady degende ǵana ashady. Bastalyq...
“Eńbek aǵashy” jattyǵýy
Qazir sizderge 3 túrli qaǵaz qıyndylary taratylyp beriledi. Sol qaǵazǵa óz oılaryńyzdy jazyp, ár qaısysyn óz ornyna ilesizder:
1. Butalarǵa – muǵalim qandaı bolý kerek:
Japyraqtar – muǵalimniń túpki maqsat, muraty.
2. Gúlder – tárbıeshiniń eńbeginiń nátıjesi.
3. Jemister – shákirt qandaı bolý kerek?
Mine sizder “Eńbek aǵashyn” qurastyryp shyǵardyńyzdar. Sizderdiń eńbekterińizdiń jemisi osy emes pe?
“Shabadan, qoqys shelek, ettartqysh” jattyǵý
Shabadan – qyzyl tús. Iaǵnı osy kezdesýde ótkizilgen jumystardy qorytyndylaı otyryp, ózińizge unaǵanyn, óz jumysyńyzǵa kerek degen keńesterdi ózimizben birge shabadanǵa salyp alyp ketemiz.
Qoqys shelek – sary tús. Sary dóńgelekshelerge osy kezdesýde óz jumysyńyzǵa kerek emes, unamaǵan sátterdi “qoqys shelekke laqtyrasyz”.
Ettartqysh – kók tús. Kók dóńgelekshelerge osy kezdesýde qyzyqty bolǵan, biraq óz jumysyńyzǵa áli qoldanýǵa daıyn emes, ıaǵnı álde de oılanyp óńdep, órnektep sodan soń baryp iske asyratyndy ettartqyshqa jiberý.
(berilgen tapsyrma jasyryn túrde toltyrylyp, ony plakatqa jeke – jeke jabystyrady).