Tashkentte Onix kóligi men patrúldik motosıklder qatysqan ólimmen aıaqtalǵan jol apaty boldy. Saldarynan bir jol polısıasy ınspektory qaza tapty, dep habarlaıdy infohub.kz.
Ózbekstan jol qozǵalysy qaýipsizdigi qyzmeti 16 shildede bolǵan apattyń mán-jaıyn ashty. Vedomstvonyń baspasóz hatshysy Zoır Iýldoshevtyń aıtýynsha, jol-kólik oqıǵasy saǵat 18:30 shamasynda Mırzo-Ulyqbek aýdanyndaǵy Dormon ıýlı kóshesinde bolǵan. Úsh ınspektor patrúldik motosıkldermen kele jatyp, Gazalkent kóshesinen shyqqan Onix kóligimen qıylysta soǵysqan.
Nazar aýdaryńyz! 18 jasqa tolmaǵandarǵa kórýge usynylmaıdy.
«Apat saldarynan patrúldik motosıkldi basqarǵan ınspektorlardyń biri alǵan jaraqattarynan oqıǵa ornynda qaza tapty. Qalǵan zardap shekkenderge medısınalyq kómek kórsetilýde, olardyń naqty sany anyqtalyp jatyr», — delingen habarlamada.
JQQQ sonymen qatar apat kortejdi alyp júrý kezinde boldy degen taralǵan aqparatty joqqa shyǵardy. Oqıǵa boıynsha tergeý júrgizilýde.