Erteńgilik
Cabaqtyń taqyryby: «Táýelsizdik tirligimniń aıǵaǵy»
Sabaqtyń maqsaty: Táýelsizdik kúni merekesine arnalǵan ádebı-teatrlandyrylǵan qoıylym arqyly oqýshylardy tarıhı oqıǵalardy kórinis túrinde shejireli datalar men kezeńdermen tanystyrý. Eljandylyqqa, patrıottyqqa tárbıeleý.
Kórnekiligi: Interaktıvti taqta
Sabaq barysy:
Muǵalim: Qurmetti ata-analar, oqýshylar! Búgin biz Táýelsizdik kúnine arnalǵan shaǵyn erteńgiligimizdi bastaǵaly otyrmyz. Qazaqstan Respýblıkamyzdyń táýelsizdik alǵanyna bıyl 20 jyl tolyp otyr. Mereke barlyǵymyzǵa qutty bolyp, birligimiz nyǵaıa bersin, beıbit kúnde jarqyn ómir súre bereıik!
Aqjúnis: Jelbireıdi sharyqtap,
Qazaqstan jalaýy.
Kókte qyran qalyqta
Qanat qaǵyp barady.

Aqnur: Eltańbasy elimniń
Netken áıbat,ádemi
Tunyǵyndaı kóńildiń,
Ortada aspan álemi

Arýjan: Kóterilse shattyǵym
Yntymaqty el ishi
Jelbirese kók týym,
Táýelsizdik jemisi.

Nazerke: Qazaqstan kıelim,
Qıaǵa ushar qyranym
Erkindikti súıemin
Men táýelsiz ulanmyn

Bekjan: Eı,tákáppar dúnıe
Maǵan da bir qarashy
Tanymaısyn sen meni
Men qazaqtyń balasy

Hor: «Dostyq»
Aqtoty: Jalǵannyń jartysyndaı qazaq eli,
Alǵandaı kózdiń jaýy sulý jeri.
Aq peıil darhan kóńil halqymyz bar.
Bolǵandaı biri seri, biri batyr.

Dıana: Áz babam azattyqty ańsap ótken
El úshin talaı sańlaq shahıd etken
Solardyń qudiretti oı armany,
Tańy bop táýelsizdik bizge jetti.

Janerke: Tarıhym jatyr tasymda
Til qatyp keler ǵasyrda
Azattyq deıtin uǵymnyń
Jeltoqsan tur basynda.

Bı «Aıgólek»

Maral: Egemendik ıesi-men degen sóz,
Eki tizgin bir shylbyryn ózi alǵan
Kórkem jigit bolyp ósse, kógen kóz
Mánberleden aıbarlanyp sóz alǵan

Dosymjan:Egemendik-el bolýdyń belgisi
Basqa jurtpen teń juldyzy,teń kúıi
Egemendik degen sózder estiler,
Ata jurttyń arǵysy men bergisi.

Azat: Táýelsiz el atandyq,
Bıik dańqyń
Bar álemge áıgili
Málim atyń.
Abylaı: Ata-baba qanymen,
Kelgen bizge
Táýelsizdik qut bolyp
Qondy elime.

Turar: Qorǵap seni ótetin
Óle-ólgenshe
Maqtanamyn álemge
Men-qazaqpyn.

Hor: «Jeltoqsan jeli»
Muǵalim: Osymen Táýelsizdik kúnine arnalǵan shaǵyn konsertimiz aıaqtaldy,zeıin qoıyp tyńdaǵandaryńyzǵa rahmet!