Brıtandyq kásipqoı boksshy Taıson Fúrı Taılandtyń Pattaııa qalasynda ótken týrnırde polák Marıýsh Vahty jeńdi, dep habarlaıdy infohub.kz.
Aýyr salmaqtaǵy (90,7 kg-nan joǵary) sportshylardyń qarsylasýy boks keshiniń basty jekpe-jegi boldy. Jekpe-jek on raýndqa josparlanǵan edi, biraq merziminen buryn aıaqtaldy. Jetinshi raýndtan keıin Vahtyń komandasy jekpe-jekti jalǵastyrýdan bas tartyp, tehnıkalyq nokaýtpen jeńis tirkeldi.
Fúrı úshin bul rıngke qaıta oralǵannan keıingi qatarynan ekinshi jeńis. Sáýir aıynda ol reseılik Arslanbek Mahmýdovty biraýyzdan tóreshiler sheshimimen jeńgen edi. Buǵan deıin brıtanıalyq boksshy ýkraınalyq Aleksandr Ýsıkten chempıondyq jekpe-jekterde eki ret jeńilip, mansabyn aıaqtaıtynyn málimdegen.
37 jastaǵy Fúrıdiń enshisinde qazir eki jeńilis pen bir teń oıynmen qatar 36 jeńis (25 nokaýt) bar. Vah 14-shi ret jeńildi, onyń altaýy merziminen buryn. 46 jastaǵy poláktyń aktıvinde 39 jeńis (20 nokaýt) qaldy.