Taıvanda bir er adam áıelin opasyzdyq jasady dep kúdiktenip, robot-shańsorǵyshty baqylaý úshin paıdalanǵan. Alaıda ol ózi túrmege tústi, dep habarlaıdy infohub.kz.
Er adam 2021 jyly úılengen, al eki jyldan keıin áıeline kúdiktenip, ony baqylaı bastaǵan. Olar kúıeýiniń ata-anasymen birge turǵan, biraq demalysta qala syrtyndaǵy úıge baratyn. Birde ol sol jerden qosymsha tis shetkasyn taýyp alyp, kúdigi odan ári arta túsken.
Biraz ýaqyttan keıin ol áıeline aýdıohabarlama jiberý úshin robot-shańsorǵyshty qashyqtan qosqan. Alaıda qurylǵynyń tikeleı efıri áıeldiń basqa erkekpen birge ekenin kórsetken. Osy dálelmen taıvandyq áıeli men onyń kóńildesin neke quqyǵyn buzǵany úshin sotqa bergen. Azamattyq sot olardyń aldanyp qalǵan kúıeýge 500 myń taıvan dollary (shamamen 7 mln teńge) tóleýi kerek dep sheshken.
Alaıda áıel jeke ómirge aralasqany úshin qarsy shaǵym túsirgen. Taıvan zańdary boıynsha, ruqsatsyz adamnyń jeke ómirine qatysty aqparatty jazý nemese taratý úsh jylǵa deıin bas bostandyǵynan aıyrý jáne 300 myń taıvan dollaryna deıin aıyppul salýǵa ákep soǵady. Sóıtip, sot aldanyp qalǵan kúıeýdi bes aıǵa bas bostandyǵynan aıyryp, 150 myń taıvan dollary (shamamen 2 mln teńge) aıyppul salǵan.
Sot «neke mindetteri adamnyń jeke ómirine qol suǵylmaýshylyq quqyǵyn joımaıdy» dep sheshken.
Buǵan deıin Kursiv LifeStyle AQSH-taǵy mıllıoner zańgerdiń prokýror áıeline opasyzdyq jasaǵany belgili bolǵan soń, joǵary jalaqyly jumystan qýylǵanyn jazǵan.