«Taza Qazaqstan» bastamasy aıasynda elimizde 3,8 mln tonnadan astam qaldyq jınalyp, 10 myńǵa jýyq qoqys orny joıyldy. Bul týraly Ekologıa jáne tabıǵı resýrstar mınıstri Álibek Qýantyrov Qazaqstan Prezıdenti Qasym-Jomart Toqaevqa baıandady, dep habarlaıdy infohub.kz saıty.
Vedomstvo basshysynyń aıtýynsha, bastama aıasynda búkil el boıynsha 2 myńnan astam ekologıalyq is-shara ótkizildi.
Astana ákimi Jeńis Qasymbek Prezıdentke elordany abattandyrý men kógaldandyrý jóninde baıandama jasady. Sońǵy jyldary qalada 500-ge jýyq aýla men qoǵamdyq keńistik retke keltirildi. 2026 jyldyń sońyna deıin taǵy 170-ten astam aýla men qoǵamdyq aımaqty, onyń ishinde saıabaqtar, skverler men býlvarlardy abattandyrý josparlanýda.
Sonymen qatar Esil ózeniniń boıynda qalanyń túrli bóligindegi saıabaqtardy, serýendeý jáne sport alańdaryn biriktiretin úzdiksiz jasyl marshrýt jasaý kózdelip otyr.
Buǵan deıin «Kýrsıv» Toqaevtyń jastarmen jáne ekoaktıvıstermen birge «Taza Qazaqstan» aksıasy aıasynda Prezıdent saıabaǵynda aǵash otyrǵyzǵanyn habarlaǵan. 19 qyrkúıekte barlyq óńirde Dúnıejúzilik tazalyq kúnine oraı qoǵamdyq keńistikterdi tazalaý jumystary josparlanǵan.