Техас штатындағы Льюисвилл қаласының шаштаразы банкомат жанынан ірі көлемдегі қолма-қол ақша мен чектер салынған сөмкені тауып, оны дереу құқық қорғау органдарына өткізді, деп хабарлайды infohub.kz сайты.
Good News Network басылымының жазуынша, ер адам жолдасымен бірге банкоматтың үстінен пакетті байқаған. Ішінде 128 514 доллар қолма-қол ақша және 19 чек салынған шағын сөмке жатқан. Адал азамат ойланбастан жергілікті полиция бөлімшесіне хабарласып, табылған затты оқиға орнына келген офицерге тапсырды.
Алдымен ер адам ақша кімге тиесілі екенін жақын маңдағы мейрамханадан сұрастырып көрген, алайда ол жерде қаражат өздеріне тиесілі еместігін растаған. Келген полицейлер купюраларды қолмен және арнайы санағышпен қайта санап, соманың сөмкедегі чектегі көрсеткішке соңғы долларға дейін сәйкес келетініне көз жеткізді.
Тергеушілер анықтағандай, ақша мен чектер Bank of America банкіне тиесілі болған. Brinks компаниясының инкассаторы банкоматты жөндеп, ақша салынған пакетті алып кетуді кездейсоқ ұмытып кеткен. Полиция өкілдері адал қала тұрғынын жабық салтанатты рәсімде марапаттауға ниетті екенін мәлімдеді.