Ulybrıtanıanyń suraýy boıynsha Maıamıde blogerler Endrú jáne Trıstan Teıt ustaldy. Brıtandyq prokýratýra baýyrlarǵa ondaǵan jańa aıyp taǵyp, olardy ekstradısıalaý rásimin bastady, dep habarlaıdy infohub.kz saıty.
Endrú Teıtke zorlaý, sondaı-aq jynystyq qanaý úshin adam saýdasy jáne kámeletke tolmaǵandardyń ádepsiz beınelerin saqtaý boıynsha jeti jańa aıyp taǵyldy. Trıstan Teıt eki zorlaý oqıǵasy jáne úsh jynystyq qanaý maqsatynda adam saýdasyn uıymdastyrý epızody boıynsha aıyptalýda.
Baýyrlarǵa qatysty aıyptardyń jalpy sany ustalǵannan keıin (19 shilde) birneshe kún ishinde 21-den 59-ǵa deıin ósti.
Prokýratýra qosymsha dáleldemeler alynǵannan keıin jańa aıyptar paıda bolǵanyn habarlady. Brıtandyq bıliktiń málimetinshe, is boıynsha boljamdy jábirlenýshiler sany jetige jetti.
«Jańa aıyptardy taǵý týraly sheshimder Bedfordshır polısıasynan qosymsha dáleldemeler paketi alynǵannan keıin qabyldandy. Nátıjesinde is boıynsha boljamdy qurbandardyń jalpy sany jetige jetti», — dep málimdedi Kоróldik prokýratýranyń asa aýyr qylmystar bóliminiń basshysy Malkolm Makhaffı.
Sondaı-aq AQSh federaldy marshaldar qyzmeti baýyrlardyń ekstradısıa rásimi aıasynda qamaýǵa alynǵanyn rastady. Qazir brıtandyq bılik olardyń berilýine qol jetkizýdi kózdep otyr.
Teıt baýyrlary óz kinásin moıyndamaıdy. Olardyń advokaty Djozef Makbraıd jańa aıyptardy «saıası shabýyl» dep sanaıtynyn jáne sot baýyrlardy bosatatynyna senimdi ekenin málimdedi.