AQ «Kazteleradıo» búkil Qazaqstan boıynsha telearnalar men radıostansıalardyń habar taratýyn ýaqytsha toqtatatynyn málimdedi. 03:00-17:00 aralyǵynda spýtnıktik, sıfrlyq efırlik jáne analogtyq teledıdar men radıonyń jelileri aldyn alý jumystaryn júrgizý úshin óshiriledi, dep habarlaıdy Orda.kz.
Ulttyq operator aldyn alý sharalary jabdyqtyń turaqty jáne sapaly jumysyn qamtamasyz etýge baǵyttalǵanyn túsindirdi.
«Jumystar aıaqtalǵannan keıin habar taratý ádettegi rejımde qalpyna keltiriledi», — dep ýáde berdi ókilder.
Bıylǵy naýryzda biz Qazaqstanda «Pervyı» jáne basqa reseılik telearnalardyń habar taratýy óshirilgenin habarlaǵan bolatynbyz. Alaıda Reseı prezıdenti Vladımır Pýtınniń memlekettik sapary kúni (27 mamyr) eshqandaı habarlamasyz habar taratý qaıta qosyldy.