Telegram messendjeriniń paıdalanýshylary búkil Qazaqstan boıynsha servıs jumysyndaǵy iri aqaýlarǵa tap boldy. Aqaý shamamen 11:25-te bastalyp, áli de jalǵasýda, dep habarlaıdy infohub.kz saıty.
Telegram-nyń qoljetimsizdigine shaǵymdar eldiń ártúrli aımaqtarynan túsýde. Osyǵan baılanysty tilshi «Qazaqtelekom» AQ baspasóz qyzmetine saýal joldady. Onda shekteýlerdiń bar ekenin jáne servıstiń qoljetimdiliginiń tómendegenin rastady.
«Monıtorıń derekteri boıynsha, Frankfýrt pen Máskeýdegi negizgi halyqaralyq pırıng núktelerinde Telegram baǵytynda trafıktiń kúrt tómendeýi de baıqaldy. "Qazaqtelekom" AQ jaýapkershilik aımaǵynda avarıalar, tehnıkalyq aqaýlar nemese ınfraqurylym jumysyndaǵy ishki buzýshylyqtar tirkelgen joq. Operator jelisi qalypty rejımde jumys istep tur», — dep sendirdi baspasóz qyzmetinde.
Qalyptasqan jaǵdaıdyń sebepterin anyqtaý úshin kompanıa Telegram-nyń ákimshilik-tehnıkalyq tobyna resmı suraý jiberdi.