Telegram negizin qalaýshy Pavel Dýrov Gram Wallet atty kiriktirilgen krıptoámıandy iske qosý týraly málimdedi. Bul ámıan messendjer qoldanýshylaryna bıyl jazda qoljetimdi bolady dep habarlaıdy infohub.kz.
Dýrovtyń aıtýynsha, bul jeke kiltterdi saqtamaıtyn krıptoámıandy engizý tarıhtaǵy eń iri joba bolmaq. Qyzmet iske qosylǵannan keıin Telegram-nyń mıllıardtan astam qoldanýshysy ony paıdalana alady.
Pavel Dýrov: «Bıyl jazda kiltsiz krıptoámıandy aýqymdy engizý bolady, bul adamzat tarıhyndaǵy eń úlken joba bolmaq», — dedi.
Telegram negizin qalaýshy sondaı-aq qoldanýshylar krıptovalúta aýdarymdaryn lezde jáne komısıasyz jasaı alatynyn atap ótti.
Dýrov: «Mıllıardtan astam qoldanýshyǵa arnalǵan komısıasyz lezdik krıptotranzaksıalar shyndyqqa aınaldy. Biz ózimizdiń Gram krıptoámıanymyzdy usynamyz, ol árbir Telegram qoldanbasynda qoljetimdi bolady!» — dep málimdedi.
Gram Wallet Telegram qoldanbasyna tikeleı kiriktiriletin boljanyp otyr, sondyqtan qoldanýshylarǵa krıptovalútamen jumys isteý úshin bólek qyzmetterdi ornatýdyń qajeti joq. Qandaı sıfrlyq aktıvter qoldanylatyny jáne iske qosýdyń naqty kúni ázirge jarıalanbady.