Ulttyq statısıka búrosynyń jańa zertteýi qazaqstandyqtardyń temeki tartý jıiligi azaıǵanyn kórsetti, dep habarlaıdy infohub.kz saıty.
Ulttyq statısıka búrosynyń málimetinshe, 2026 jylǵy qańtarda Qazaqstanda eresek turǵyndar arasynda temeki tutyný boıynsha kezekti jyldyq saýalnama júrgizilgen.
«Saýalnama respýblıkanyń barlyq oblystarynda, Astana, Almaty jáne Shymkent qalalarynda ótti. Saýalnamaǵa 15 jastan asqan 12 myń úı sharýashylyǵynan bir-bir adam qatysty», — delingen habarlamada.
Alynǵan nátıjeler boıynsha, saýalnamaǵa qatysqan úı sharýashylyqtary músheleriniń arasynda qazirgi ýaqytta temeki tartatyndardyń úlesi 15,1% qurady, bul 2025 jylǵy 17,5%-dan 2,4 paıyzdyq tarmaqqa tómen.
Aýyldyq jerlerde temeki tartatyndardyń úlesi 17,8%, qalalyq jerlerde — 14,0%.
Erler arasynda temeki tutynatyndar 30,5%, áıelder arasynda — 4,9%.
Temeki tartatyndardyń jalpy sanynan 98,6% ónerkásiptik jolmen óndirilgen temeki shegedi, 0,4% elektrondy temeki, 0,9% temeki qyzdyrý júıeleri, 0,1% basqa temeki buıymdaryn paıdalanady.