Teleındýstrıanyń 500-den astam ókili XXI ǵasyrdaǵy ózderi súıip kóretin serıaldaryn tańdady. Olardyń ishindegi eń úzdigi — «Vo vse tájkıe» («Breaking Bad»). Úzdik 100 tizimine «Igra prestolov», «Chernobyl», «Ofıs», «Doktor Haýs» jáne basqa da kúlttik teleshoýlar endi, dep habarlaıdy infohub.kz saıty.

Reıtıńti jasaý úshin The New York Times basylymy 500-den astam akter, shoýranner, senarıst, prodúser jáne teleındýstrıanyń ózge de ókilderinen saýalnama júrgizdi. Ár qatysýshy on serıalǵa deıin ataýǵa múmkindik aldy.

Daýys berýshilerdiń qatarynda Braıan Krenston, Elızabet Moss, Adam Skott, Roýz Bırn, Kolman Domıngo jáne Djeıson Beıtman boldy. Óz nusqalaryn shoýrannerler Deımon Lındelof («Ostatsá v jıvyh»), Lena Danem («Devochkı»), Lena Ýeıt («Dorogıe belye») jáne Noa Hoýlı («Fargo») da atady.

XXI ǵasyrdyń úzdik serıaly dep «Vo vse tájkıe» tanyldy. Oqıǵa ortalyǵynda — qorqynyshty dıagnozdan keıin otbasyn asyraý úshin esirtki óndirýmen aınalysýǵa bel býǵan hımıa pániniń muǵalimi Ýolter Ýaıt. Burynǵy shákirti Djessı Pınkmanmen birge ol birtindep qylmystyq álemge boılaıdy, al jańa ómir Ýolterdiń ózin barǵan saıyn ózgertip, basqa adamǵa aınaldyrady.

«Vo vse tájkıe» serıalynan keıin «Proslýshka», «Bezýmsy» jáne «Naslednıkı» tur. Alǵashqy ondyqqa mynalar endi:

«Vo vse tájkıe» (2008–2013)

«Proslýshka» (2002–2008)

«Bezýmsy» (2007–2015)

«Naslednıkı» (2018–2023)

«Drán» (2016–2019)

«Igra prestolov» (2011–2019)

«Vıse-prezıdent» (2012–2019)

«Stýdıa 30» (2006–2013)

«Ýmer svoı entýzıazm» (2000–2024)

«Atlanta» (2016–2022)

Úzdik 100 tizimine «Ofıs» (11-oryn), «Chernobyl» (19-oryn), «Chernoe zerkalo» (26-oryn), «Lýchshe zvonıte Solý» (27-oryn), «Razdelenıe» (30-oryn), «Nastoıashı detektıv» (35-oryn), «Ostrye kozyrkı» (43-oryn), «Ochen strannye dela» (53-oryn), «Igra v kálmara» (72-oryn), «Medved» (74-oryn), «Ted Lasso» (75-oryn), «Dekster» (88-oryn), «Olenenok» (89-oryn) jáne «Doktor Haýs» (95-oryn) endi.

Aıta keteıik, tizimge tek kórkem dramalar men komedıalar ǵana emes, derekti jobalar men realıtı-shoýlar da kirdi. Tek 2000 jyldyń 1 qańtarynan keıin tusaýkeseri ótken serıaldar men shoýlar eskerildi.

Buǵan deıin Kursiv LifeStyle Apple kompanıasy Qazaqstanda jeke jazylym iske qospaqshy ekenin jazǵan bolatyn. iCloud+ jańa nusqasy bulttyq qoımany, Apple TV onlaın-kınoteatryn jáne Apple Arcade oıyn servısin biriktiredi. 50 GB bazalyq tarıf aıyna 499 teńge turady jáne serıaldar, fılmder men oıyndarǵa qosymsha tólemsiz qoljetimdilik beredi.