«Aspanǵa jetý» jáne «Ataqsyz shataqtar» fılmderiniń juldyzy Tıl Shvaıger Djekı Chanmen birge «Dospehı Boga» fılminiń tórtinshi bóligin túsirý úshin Almatyǵa keldi, dep habarlaıdy infohub.kz.
Fılmdi shyǵaratyn qazaqstandyq medıakompanıa «Dospehı Boga: Últımatým» túsirilim tobyna tanymal akterdiń qosylǵanyn rastady. Kompanıanyń málimdemesinde olar úshin fılmografıasynda 80-nen astam kartınasy bar ártispen jumys isteý úlken mártebe ekeni atap ótildi. Sondaı-aq olar kórermenderdiń jaqyn arada Shvaıgerdi Djekı Chanmen birge ekrannan kóretinine ýáde berdi.
Eske salaıyq, 2025 jyldyń qyrkúıek aıynyń sońynda Djekı Chan Almatyǵa kelgen bolatyn, bul qazaqstandyqtar arasynda úlken qyzyǵýshylyq týdyrdy. Keıin «Dospehı Boga» fılminiń tórtinshi bóliginiń túsirilimi Qazaqstanda ótetini belgili boldy. Maýsym aıynda Mańǵystaý oblysynda halyqaralyq jobanyń túsirilimi bastalsa, shilde aıynda túsirilim toby Almatyǵa kóshti.