Massachýsets tehnologıalyq ınstıtýty men Boston ýnıversıtetiniń zertteýshileri sóıleýge jaýapty neırondyq jeliniń egde jastaǵy adamdarda jastar deńgeıinde belsendiligin saqtaıtynyn anyqtady, dep habarlaıdy infohub.kz.
Jasy ulǵaıǵan saıyn jumys jady men esepterdi sheshý qabileti sıaqty kóptegen kognıtıvtik fýnksıalar nasharlaıdy. Alaıda zertteý kórsetkendeı, mıdyń tildik jelisi jasqa baılanysty ózgeristerge joǵary tózimdilik tanytady.
Ǵalymdar eki top qatysýshylarynyń mıyn tomografıadan ótkizdi: 17 ben 39 jas aralyǵyndaǵylar jáne 41 ben 80 jas aralyǵyndaǵylar. Nátıjeler egde jastaǵy adamdarda atqarýshy jeliniń (multiple demand network) sınhronızasıasy, deńgeıi jáne belsendirý aımaǵy tómendeıtinin kórsetti. Sonymen qatar, áńgimelerdi tyńdaý, sóılemderdi oqý jáne sırek gramatıkaǵa reaksıa kezinde tildik jeliniń jumysy jas respondentterdiń kórsetkishterimen birdeı derlik boldy.
Jumys avtorlarynyń biri Ann Bıllo men Evelına Fedorenko muny tildik jeliniń ómir boıy bilim men sózdik qordy jınaqtaıtynymen túsindiredi. Mıdyń mamandandyrylǵan qurylymdary ámbebap atqarýshy júıelerge qaraǵanda qartaıýdan jaqsy qorǵalǵan bolyp shyqty.
Zertteý nátıjeleri "Nature Communications" jýrnalynda jarıalandy.