Qaıǵyly qys qar, boranmen qorqytyp,
Janǵa raqat jaınaǵan jaz bitpese,
Sylańdaǵan altyn kúnim tez ótip,
Qaıǵy-muńmen jas tóger shaq jetpese.
Jasyl sheshek, qyzarǵan gúl solmasa
Qany qashyp, kórki bitip, qýaryp,
Perishtedeı jas qyz qatyn bolmasa,
Almadaıyn qyzyl beti sýalyp.
Almaspasa, ózgermese bul dúnıe,
Jaqsy-jaman tursa óziniń qalpynda!
Biraq bilgen, solaı qylǵan Táńiri ıe,
Men de kóndim, basymdy ıdim aldynda.
Bersin atam, malǵa satpaı, teńime,
Maǵan joldas ol mal bolmas, er bolar!
Qur qyzyqsań ata zaty, tegine,
Keziń nury balań ómiri sher bolar.
Meıirimdi Iem, taza, názik áıeldi
Qara júrek qazaqqa nege jarattyń?
Ah, zar qyldy, qulaǵyna kim ildi?
Sorlylardy jaýyzdarǵa qarattyń!..

---