Taqyryby: Tilegimiz — beıbit kún. S. Ospanov.
Maqsaty: Balalardy óz Otanyn súıýge, qurmetteýge, qorǵaýǵa, patrıottyq sezimderin damyta otyryp tárbıeleý.
Kórnekilikter: suraq - jaýap áńgimeleý, túsindirý.
Tárbıe jumysynyń barysy.
Uıymdastyrý kezeńi.
- Sálemetsińder me balalar?
- (Balalar jaýaby) Sálemetpiz.
- Qazir bizde kórkem ádebıet sabaǵy. Sabaqqa qajetti qural – jabdyqtardy alyp oqýshy erejege saı otyramyz.
Psıhologıalyq sát.
Kúlimde, kún kúlimde,
Jer jasaryp kógersin.
Keshegindeı búgin de,
Qanat qaqsyn kógershin.
Kúlimde, kún kúlimde,
Búldirshinder qýansyn.
Qyrdyń qyzyl gúlindeı,
Qoldaryna tý alsyn.
Kúlimde, kún kúlimde
Kúlsin barlyq bala shat.
Berekeli bútindeı,
Beıbit bolsyn bolashaq.
Merekege ázirleneıik
Birinshi mamyr merekesi jaqyndap qaldy. Mádenıet úıinde merekege daıyndyq júrip jatty. Ár ult ókilderi óz dástúrlerin, ónerin kórsetýde. Myń buralǵan bıshiler, bir top ánshiler men kúıshiler de at salysypty. Biz de qarap qalmaı óz ónerimizdi kórsettik. Kók aspanda kók týymyz jelbirep, beıbitshilik qustary ushyryldy. Qala ákimi sóz sóılep, quttyqtaý aıtyp, otshashý kórinisin tamashaladyq. Bárimizdiń tilegenimiz «Tatýlyq pen, birlik jasasyn, eshqashan elimizde jamanshylyq bolmasyn!» - degen urandar edi.
Suraq - jaýap.
- Qane, balalar bir - birimizge degen jyly lebizderimizdi bildireıik.
- Beıbitshilik qusyn atap berińdershi.
- 1 – mamyr qandaı mereke?
- Áńgimede ne aıtylǵan?
- Kimder óner kórsetti?
Sergitý sáti.
Aq kógershin, kógershin,
Qol qanat kús sen ediń.
Bar kezip qaıt el úshin
Keń dúnıeniń kólemin.
- Beıneleý sabaǵymen baılanystyra otyryp, Beıbitshilik kúnine arnap sýret saldyrý.
Qorytyndylaý.
Salynǵan sýretterden kórme uıymdastyrý.