«Ono», «Odın doma» jáne «Shoý ýjasov Rokkı Horrora» fılmderimen tanymal brıtandyq akter Tım Karrı 80 jasynda qaıtys boldy, dep habarlaıdy infohub.kz saıty.
Los-Andjeles polısıasynyń málimetinshe, seısenbi keshke Nort-Gollıvýd aýdanyndaǵy úıden 80 jas shamasyndaǵy er adam týraly qońyraý túsken. Kelgen dárigerler onyń qaıtys bolǵanyn rastaǵan.
Karrı 1946 jyly 19 sáýirde Anglıada dúnıege kelgen. Onyń akterlik mansaby teatrdan bastalyp, álemge áıgili bolýyna «Shoý ýjasov Rokkı Horrora» fılmindegi Frenk N. Ferter róli sebep boldy.
Keıin ol Stıven Kıngtiń «Ono» romanynyń televızıalyq nusqasynda Pennıvaızdy, «Razgadka» komedıasynda kútýshi Ýodsvortty, «Legenda» fılminde Lord Tmany somdap, «Odın doma» fılmine de túsken.
Karrı teledıdarda, teatrda jumys istep, dybystaýmen de aınalysqan. 2012 jyly akter aýyr ınsýlt alyp, odan keıin densaýlyǵyna qatysty problemalar bolǵan.
Akterdiń óliminiń sebebi resmı túrde habarlanbaǵan.
Buǵan deıin «Kýrsıv» 80 jasynda amerıkandyq kantrı ánshisi, aktrısa jáne án avtory Dollı Parton qaıtys bolǵanyn jazǵan.