Almaty oblysyndaǵy Býkreev shyńy mańynda 3010 metr bıiktikten qulaǵan qyzdy TJM qutqarýshylary kúrdeli operasıamen evakýasıalady, dep habarlaıdy infohub.kz.
TJM aldyn ala málimetinshe, qyz jartastan qulap, bas jaraqatyn alyp, ózdiginen qozǵala almaǵan. Qutqarýshylar kelgenge deıin oǵan kýáger alǵashqy kómek kórsetken.
Qutqarý operasıasyna Qazaqstan Respýblıkasy TJM «Barys» respýblıkalyq qutqarý qyzmeti men Almaty qalasy Tótenshe jaǵdaılar departamentiniń Qutqarý qyzmetiniń qyzmetkerleri tartyldy. Zardap shekken qyzdy evakýasıalaý úshin «Qazavıaspas» aksıonerlik qoǵamynyń tikushaǵy jumyldyryldy.
Taýly aımaqtan kóterilgennen keıin qyzdy «Medeý» tikushaq alańyna jetkizip, onda ony TJM Apattar medısınasy ortalyǵynyń brıgadasyna odan ári medısınalyq kómek kórsetý úshin tapsyrdy.