Qazaqstandyq «Tobol» ÝEFA Konferensıa lıgasynyń ekinshi irikteý kezeńinde lıtvalyq «Panevejısti» dramalyq penaltı serıasynda jeńdi, dep habarlaıdy infohub.kz.
Qostanaıdyń Ortalyq stadıonynda ótken jaýapty machtyń negizgi ýaqyty 1:1 esebimen aıaqtaldy. Esepti 33-mınýtta «Panevejıstiń» lıtvalyq shabýylshysy Naýrıs Petkávıchús ashty. Alaıda, ıeler 45+3-mınýtta Qazaqstan quramasynyń shetki shabýylshysy Islam Chesnokovtyń pasynan keıin «Toboldyń» marokkolyq jartylaı qorǵaýshysy Amın Talaldyń golymen esepti teńestirdi.
Qosymsha ýaqyt jeńimpazdy anyqtaǵan joq, al úshinshi kezeńge joldama taǵdyry penaltı serıasynda sheshildi. «Tobol» dálirek boldy — 3:2, bul rette qazaqstandyqtardyń qaqpashysy Danıl Ýstımenko qarsylastardyń eki soqqysyn qaıtardy.
Kelesi kezeńde «Tobol» serbtik «Partızan» nemese lúksembýrgtik «ÝNA Shtrassen» komandasymen kezdesedi. Qostanaılyqtar alǵashqy machty 6 tamyzda qonaqta, al jaýapty machty 13 tamyzda úıinde ótkizedi.