Qostanaı oblysynda Tobyl ózeniniń arnasynan zańsyz iri kólemde qum óndirý isi boıynsha tergeý aıaqtaldy. "STS-Sement" JSHS basshysynyń áreketinen keltirilgen zalal 719 mln teńgeni qurady, dep habarlaıdy infohub.kz.
Qostanaı oblysy boıynsha Qarjylyq monıtorıń agenttigi departamentiniń málimetinshe, kompanıa basshysy memleket bergen jer qoınaýy ýchaskesiniń syrtynda Tobyl ózeniniń tikeleı arnasy men jaǵalaý syzyǵynan ózen qumyn ónerkásiptik jolmen óndirýdi uıymdastyrǵan. Jumystar gıdromehanıkalandyrylǵan tásilmen, ózen túbinen eki zemsnarádty paıdalana otyryp júrgizilgen. Satylǵan qumnyń jalpy kólemi 113 myń tekshe metrden asyp, somasy 719 mln teńgeni quraǵan.
Zańsyz áreket saldarynan sý jáne jer resýrstaryna eleýli ekologıalyq zalal keltirilgen: Tobyl ózeniniń arnasy ózgergen, jaǵalaý syzyǵy buzylǵan, gıdrologıalyq rejım buzylǵan, batpaqtaný ýchaskeleri paıda bolǵan. Ǵaryshtyq sýretterdiń dereginshe, sý qory jerleriniń buzylǵan aýdany 28 myń sharshy metrden asqan.
Tabıǵı keshendi qalpyna keltirý úshin jaǵalaýdy nyǵaıtý, arnany tazartý jáne buzylǵan jerlerdi rekýltıvasıalaý jumystary qajet bolady. Sot sanksıasymen kúdiktiniń múlkine tyıym salyndy: 12 avtokólik, 10 jer ýchaskesi jáne turǵyn emes úı-jaı. Qylmystyq is sotqa joldandy.