Qazaqstan Prezıdenti Qasym-Jomart Toqaev Halyq qaharmany Ivan Gapıchtiń qaıtys bolýyna baılanysty onyń týǵan-týystary men jaqyndaryna kóńil aıtty, dep habarlaıdy infohub.kz saıty.
Jedelhatta Memleket basshysy Ivan Gapıchtiń maıdanǵa óz erkimen attanyp, soǵysty baılanysshy bolyp ótkenin atap ótti. Oralǵan soń ol kóp jyldar boıy prokýratýra organdarynda qyzmet etti.
«Joǵary adamgershilik qaǵıdattary bar, óz isiniń kásibı mamany, ol áriptesteri men qoǵam arasynda laıyqty bedelge ıe boldy. Ivan Stepanovıchtiń ómir joly — otanshyldyqtyń, borysh pen antqa adaldyqtyń, ádildik murattaryna beriktiktiń laıyqty úlgisi. Ivan Stepanovıch týraly jarqyn eske alý bizdiń júregimizde máńgi saqtalady», — delingen jedelhatta.
Ivan Gapıch Polshany, Chehoslovakıany jáne Ýkraınany azat etýge qatysty. Soǵystan keıingi jyldary Qazaqstannyń birneshe óńirinde prokýratýra organdarynda qyzmet etti. 2023 jyly oǵan Halyq qaharmany ataǵy berildi.